Qyrǵyzstanda ulttyq eposqa negizdelgen jańa anımasııalyq fılm túsiriledi. Jobaǵa 5 mıllıon dollar bólý josparlanǵan, dep jazady Egemen.kz.
Qyrǵyz depýtaty Dınara Áshimova «Er-Tóshtúk» eposynyń tárbıelik mánin atap ótip, mýltfılm túsirý úshin qarajat bólýge shaqyrdy.
«Bizdiń balalar sheteldik batyrlardy jaqsy biledi, biraq ózimizdiń keıipkerlerdi tanymaıdy. Kıno sanany qalyptastyratyn qýatty qural. Er-Tóshtúk, Kojojash, Janyl Myrza syndy ulttyq batyrlardy tanystyrý úshin mýltfılmder túsirý qajet», dedi ol.
Depýtattyń aıtýynsha, kınematografııa departamentiniń saraptamalyq keńesi 2023-2024 jyldary jobany maquldaǵan. Ssenarıı daıyn, qarjy mınıstrligi qarajat bıýdjette qarastyrylǵanyn rastaǵan, alaıda memlekettik tapsyrys áli rásimdelmegen.
Rejısserler parlamentten jobany iske asyrý úshin sońǵy qadamdy jasap, fılmdi jaryqqa shyǵarýǵa qoldaý kórsetýdi surap otyr.
Aıta keteıik, «Er-Tóshtúk» eposy qyrǵyz, qazaq, ózbek jáne tatar halyqtarynyń ertegilerinde kezdesedi.