Sınoptıkter 4-6 qyrkúıek kúnderi aýa raıy qandaı bolatynyn aıtty, dep habarlaıdy Egemen.kz.
Atmosferalyq frontaldy bólinisterdiń ótýine baılanysty elimizdiń basym bóliginde turaqsyz aýa raıy kútiledi, sonymen qatar naızaǵaımen jańbyr jaýady. 4–5 qyrkúıekte elimizdiń batysynda, 5–6 qyrkúıekte soltústik-batysynda burshaqpen jáne ekpindi jel men qatty jańbyr boljanady.
Ońtústik, ońtústik-shyǵys, ortalyq aımaqtarda, sondaı-aq 05–06 qyrkúıekte shyǵysta antısıklonnyń áserinen jaýyn-shashynsyz ashyq aýa raıy kútiledi. Respýblıka boıynsha jel kúsheıedi, al soltústik óńirlerde túngi jáne tańǵy ýaqyttarda tuman túsedi.
Shyǵysta, 05 qyrkúıekte soltústik-shyǵysta, 4–5 qyrkúıekte ortalyqta túngi ýaqytta aýa temperatýrasy 2–10 jyly shamasynda bolyp, topyraq betinde 2 gradýsqa deıin úsik júrýi yqtımal.
Kúndizgi temperatýra:
batys aımaqtarda 18–33 gradýstan 15–27 gradýsqa deıin tómendeıdi; soltústik oblystarda 17–28 gradýstan 25–30 gradýsqa deıin kóteriledi; ortalyqta 20–32 gradýstan 25–35 gradýsqa deıin jyly bolady; shyǵysta 12–25 gradýs jyly kútiledi; ońtústikte 30–35 gradýstan 33–38 gradýsqa deıin aýytqıdy; ońtústik-shyǵysta 22–30 gradýstan 28–33 gradýsqa deıin joǵarylaıdy; taýly aımaqtarda 12–17 gradýstan 18–23 gradýsqa deıin jyly bolady.