Qulsary qalasynda sıntetıkalyq esirtki taratyp júrgen áıelden 50 túıinshekke salynǵan esirtki tárkilendi, dep jazady Egemen.kz.
Atyraý oblystyq polısııa deparamentiniń baspasóz qyzmetinen málim etkendeı, esirtki qylmysyna qarsy is-qımyl basqarmasynyń qyzmetkerleri esirtki taratty degen kúdikpen Jylyoı aýdanynyń turǵynyn ustaǵan.
«Qulsary qalasynda esirtki zattaryn taratýmen aınalysqan kúdiktiniń jeke basyn, ýaqytsha jaldaǵan páterdi tintý kezinde árqaısysy 0,75 grammdy quraıtyn erekshe ıisi bar aq tústi untaq tárizdi zat salynǵan 45 orama tabyldy. Kúdiktiniń ózi jasyrǵan 5 orama tárkilendi. Onyń salmaǵy 38,7 gramm bolatyn «Alfa-PVP» sıntetıkalyq esirtki zaty ekeni anyqtaldy», dep habarlady departamenttiń baspasóz qyzmeti.
Qazir kúdiktige qatysty Qylmystyq Kodekstiń 297-babynyń 3-bóligimen qylmystyq is qozǵalyp, tergeý amaly júrgizilip jatyr. Al kúdiktini kúdikti qamaýǵa alynǵan.