Elimizdiń Atom energııasy jónindegi agenttigi tóraǵasy Almasadam Sátqalıev Atom energııasy jónindegi Halyqaralyq agenttigi (AEHA) Bas dırektorynyń orynbasary, Iаdrolyq ǵylymdar men qoldanbalar departamentiniń dırektory Nadjat Mohtar hanymmen kezdesti, dep jazady Egemen.kz.
Kelissóz barysynda atom energııasyn beıbit maqsatta paıdalaný salasyndaǵy negizgi máseleler – ıadrolyq medısınany damytý, ıadrolyq jáne radıasııalyq qaýipsizdikti kúsheıtý, zamanaýı ǵylymı-tehnıkalyq sheshimderdi energetıkaǵa, agroónerkásiptik keshenge, medısına men ónerkásipke engizý talqylandy. AEHA-nyń Azyq-túlik qaýipsizdigi ortalyǵymen aýyl sharýashylyǵy úshin ıadrolyq tehnologııalardy qoldaný jáne azyq-túlik sapasyn arttyrý salasyndaǵy ózara is-qımyldy keńeıtý perspektıvalaryna erekshe nazar aýdaryldy.
Mamandardy daıarlaýǵa, tájirıbe almasýǵa jáne ǵylymı-zertteý yntymaqtastyǵyn keńeıtý máselesine de nazar aýdaryldy.
«AEHA-men yntymaqtastyq biz úshin erekshe mańyzǵa ıe. Biz tehnıkalyq yntymaqtastyq, retteý, kadrlar daıarlaý jáne halyqaralyq qaýipsizdik standarttaryn engizý salasyndaǵy qoldaýyńyzdy joǵary baǵalaımyz. Qazaqstan ıadrolyq energetıka men ǵylymnan bastap ınnovasııalyq tehnologııalar men ıadrolyq medısınaǵa deıin barlyq salada ózara is-qımyldy odan ári tereńdetýge daıyn», dedi Agenttik tóraǵasy.
AEHA ókilderi konsýltasııalyq jáne ádistemelik kómek kórsetýdi qosa alǵanda, saraptamalyq jáne praktıkalyq qoldaý kórsetýge daıyn ekenderin rastady.
Kezdesý qorytyndysy boıynsha taraptar yntymaqtastyqtyń strategııalyq sıpatyn atap ótip, turaqty jáne qaýipsiz bolashaq múddesinde birlesken bastamalardy damytý úshin turaqty dıalogty jalǵastyrýǵa daıyn ekenderin bildirdi.