Jambyl aýdanynyń Troısk aýylynda bir ájeı ormanǵa sańyraýqulaq terýge ketken jerinen adasyp, ýchaskelik polısııany dúrliktirdi. Ájeıdiń úıge oralmaı, adasyp ketkeni týraly onyń joldasy polısııaǵa habarlaǵan, dep jazady Egemen.kz.
Ýchaskelik ınspektor Bekzat Qaısaevtan habar alǵan aýdandyq polısııa krımınaldyq polısııa bólimshesiniń bastyǵy Jolaman Áýbákirov bastaǵan arnaıy top quryp, ájeıdi izdeý sharalaryna kirisedi. Izdeýge aýyldyq okrýg belsendileri, kórshiler men tanystar da qatysty.
Olar keshke deıin jalǵasqan jaqyn ormandardy túgel súzip shyqqan. Ájeı tek kesh bata, kómek surap aıǵaılaǵan daýsynan tabyldy. О́zi aýylynan 10 shaqyrymdaı alysqa ketip qalǵan eken. Áıteýir aman-esen tabylǵan ájeı polısııa men izdeýge qatysqan turǵyndardyń bárine alǵys aıtty.
Soltústik Qazaqstan oblysy