Jaǵymdy jańalyq
Aqtaý sekildi ásem qalanyń ishi de, jan-jaǵy da kórkem, ekologııalyq taza bolǵaly tur. Ol úshin kún saıyn syrtqa tasymaldanyp, taý-taý bolyp jatqan turmystyq qatty qaldyqtardy óńdeıtin qýatty keshen salynbaqshy. Bul jobany júzege asyrýǵa baǵyttalǵan kelisimge oblystyq ákimdik pen Eýropa Qaıta qurý jáne damý banki arasynda qol qoıyldy.
Zaýyttyń taǵy bir ereksheligi – qaldyqtardan irgeli keshendi elektr qýatymen qamtamasyz etedi. Jáne de ishinara saýdaǵa shyǵarylatyn mólsherde bıogaz da óndirilmekshi. TMD elderindegi iri joba sanalatyn nysanǵa 11,2 mln. AQSh dollary kóleminde ınvestısııa tartylmaq. Atalmysh banktiń bul Mańǵystaý óńirindegi ekinshi kelisimge qol qoıýy. Onyń alǵashqysy “Aqtaý qalasynyń sýmen qamtý jáne sý bólý júıesin jańartý” jobasy bolǵan.
Sóıtip, ásem Aqtaý oblys pen Eýropa Qaıta qurý jáne damý bankiniń yntymaqtastyǵy arqyly ajarlana túsýmen qatar, ekologııalyq jaǵdaıdy da jaqsartqaly otyr.
Jolaman BOShALAQ.
Mańǵystaý oblysy.