Álemde jyl saıyn 62 mıllıon tonna elektrondy tehnıka jaramsyz kúıge ótedi. Onyń ishinde noýtbýk, smartfon, teledıdar syndy turmystyq qural-jabdyqtar bar. Biraq sonyń tek tórtten biri ǵana qaıta óńdeledi, al qalǵany qoqys polıgonyna jiberiledi.
BUU boljamynsha, 2030 jylǵa qaraı bul kórsetkish taǵy 20 mıllıon tonnaǵa artady. Al negizgi úles Azııa elderine, ásirese Qytaıǵa tıesili. Ǵalymdar mundaı elektrondy qaldyqtyń tabıǵatqa óte qaýipti ekenin aıtyp jatyr. Sebebi jaramsyz tehnıka quramyndaǵy aýyr metaldar men hımııalyq zattar topyraq pen jer asty sýlaryna sińip, adam densaýlyǵyna keri áser etedi. Nátıjesinde, júıke, as qorytý, ımmýndyq júıe álsirep, ókpe men búırekke, tipti kóz ben terige deıin zııanyn tıgizedi.