Túrkistan oblysynda ataýly áleýmettik kómekke (AÁK) baılanysty iri kólemde qarjynyń maqsatsyz jumsalǵany belgili boldy. Prokýratýra tekserisi barysynda keıbir otbasylarǵa negizsiz tólemder júrgizilgeni jáne qujattarda jalǵan qorytyndylar rásimdelgeni anyqtaldy, dep habarlaıdy Egemen.kz.
Bas prokýratýranyń habarlaýynsha, Jetisaı aýdanynda komıssııa «ataýly áleýmettik kómekke muqtaj emes» degen sheshim shyǵarǵanyna qaramastan, 18 otbasyǵa jalpy somasy 3,1 mıllıon teńge bólingen.
«Al Saryaǵash aýdanynyń Qaplanbek aýyldyq okrýginde ýchaskelik komıssııa hatshysy men aýyldyq okrýg ákiminiń orynbasary komıssııa músheleriniń atynan qol qoıyp, 56 ótinish boıynsha jalǵan qorytyndylar rásimdep, sonyń saldarynan 9,7 mln teńge memlekettiń qarjysy maqsatsyz jumsalǵan», delingen habarlamada.
Prokýratýra zańsyzdyqtardy joıyp, jaýapty adamdardy tártiptik jaýapkershilikke tartý úshin qadaǵalaý aktisin engizgen. Qazir bul másele qaralyp jatyr.