Astanada ótip jatqan Álemdik jáne dástúrli dinder kóshbasshylarynyń sezine qatysý – men úshin úlken mártebe. Bul is-shara álemdik deńgeıdegi eń aýqymdy platformaǵa aınalyp, onda din jáne dástúr kóshbasshylary birlese otyryp, keń aýqymdy dıalog júrgizip, ózara tıimdi yntymaqtastyq pen senimdi qarym-qatynas qalyptastyrýǵa múmkindik aldy. Osynyń barlyǵy Qazaqstannyń kórkem ólkesinde júzege asyp otyr.
Bul jıynnyń mańyzy qazirgi jahandyq syn-qaterler jaǵdaıynda odan ári arta túsedi. О́ıtkeni ártúrli dinder men dástúrlerdiń, etnostardyń jáne áleýmettik toptardyń ókilderin bir arnaǵa toǵystyryp, syndarly dıalog júrgizýge yqpal etedi. Ashyqtyq pen ózara túsinistikke negizdelgen osyndaı orta álemdik turaqtylyq pen beıbitshilikti nyǵaıtýǵa erekshe úles qosady.
Qazaqstannyń geosaıası jáne mádenı turǵydan bul mıssııany oryndaýǵa óte qolaıly ornalasqany aıqyn. Eldiń saıası turaqtylyǵy, kópetnosty jáne ártúrli dinı qurylymdardyń biregeı úılesimi Qazaqstanǵa halyqaralyq dıalogti damytýǵa erekshe jaǵdaı týǵyzyp otyr. Mundaı áleýmettik-mádenı ártúrlilik birlik pen ózara túsinistikti nyǵaıtýǵa yqpal etip, túrli konfessııalar men etnostar arasyndaǵy tıimdi qarym-qatynasty qalyptastyrýǵa múmkindik beredi. Osy turǵyda Qazaqstan álemdik jáne dástúrli dinder kóshbasshylarynyń kezdesýine tamasha alań bolyp otyr. Menińshe, bul meılinshe ózara túsinistikti, yntymaqtastyqty nyǵaıtýǵa qyzmet etedi.
Sonymen qatar qazirgi jahandyq qaýymdastyq aldynda turǵan kúrdeli máseleler – ekstremızmniń, dinaralyq kıkiljińderdiń jáne gýmanıtarlyq daǵdarystardyń aldyn alý men sheshý jolynda osy sez sekildi dıalog alańdarynyń róli erekshe mańyzdy. Bul platforma arqyly dinı kóshbasshylar ǵana emes, sondaı-aq saıası, áleýmettik jáne mádenı salalardyń ókilderin biriktirip, naqty áreketter men birlesken strategııalar qalyptastyra alamyz.
Muhammed ELSANOÝSI,
Dinı jáne dástúrli bitimgerler jelisiniń atqarýshy dırektory