Premer-mınıstrdiń birinshi orynbasary Roman Sklıar Astanada salynyp jatqan Ulttyq sport ýnıversıtetiniń qurylys barysymen tanysty, dep jazady Egemen.kz.
Delegasııa quramynda týrızm jáne sport mınıstri Erbol Myrzabosynov, sondaı-aq qurylys kompanııasynyń ókilderi boldy.Oqý ornynyń qurylysy Memleket basshysynyń sport ınfraqurylymyn damytý jónindegi tapsyrmalaryn oryndaý aıasynda júrgizilip jatyr.
Búgingi tańda kópfýnksıonaldy keshende qurylys-montaj jumystary tolyq aıaqtalyp, nysannyń bir bóligi paıdalanýǵa berilgen. Birinshi kezeń aıasynda kolledjdiń oqý ǵımaraty, 500 oryndyq jataqhana, trıbýnanyń astyndaǵy bólmeler, jabyq jeńil atletıkalyq manej, basseın jáne kópfýnksıonaldy keshen qarastyrylǵan.
Ekinshi kezeń aıasynda ǵylymı-zertteý ortalyǵy bar ýnıversıtet ǵımaratyn, 1 myń oryndyq jataqhanany, medısınalyq-saýyqtyrý ortalyǵyn, oqytýshylarǵa arnalǵan turǵyn úı korpýsyn jáne stadıondy paıdalanýǵa berý josparlanǵan. Qurylys jumystaryn bıyl jyl sońyna deıin aıaqtaý josparlanǵan.
Tekserý qorytyndysy boıynsha vıse-premer sport nysanyna ınjenerlik-kommýnıkasııalyq ınfraqurylym men jetkizý jelilerin tartý jóninde tıisti tapsyrmalar berdi.