Qaraǵandy oblysynda jolaýshylar poıyzy Mazda kóligimen soqtyǵysyp, saldarynan úsh adam qaza tapqan, dep habarlaıdy Egemen.kz.
QTJ málimetinshe, qaıǵyly oqıǵa 17 qyrkúıek kúni saǵat 00:54-te Aqadir-Qaraǵandy ýchaskesindegi Jaryq-Darııa aralyǵynda ornalasqan temirjol ótkelinde bolǵan.
«Kúzetilmeıtin, retteletin temir jol ótkelinde 92 km/saǵ jyldamdyqpen qozǵalǵan jolaýshylar poıyzynyń mashınısi jolǵa shyqqan Mazda markaly jeńil avtokólikti baıqap, shuǵyl tejeý qoldandy. Alaıda soqtyǵysty boldyrmaý múmkin bolmady. Saldarynan júrgizýshi men eki jolaýshy qaza tapty», delingen habarlamada.