«OpenAI» kompanııasy ChatGPT-diń balalarǵa arnalǵan arnaıy nusqasyn ázirlep jatyr. Eger júıe qoldanýshynyń jasyn naqty anyqtaı almasa, birden jasóspirimderge arnalǵan betke aýysady. Ata-analar balanyń akkaýntyn baqylap, paıdalaný ýaqytyn shekteı alady.
Eń qyzyǵy, jasóspirimniń psıhologııalyq kúızelisin baıqasa, júıe balanyń ata-anasyna dereý habar beredi eken. Bul qadamdar beker emes. Ǵalamtordaǵy eń úlken qaterdiń biri – kıberbýllıng. Mysaly, AQSh mektepteriniń 15%-y aptasyna kem degende bir ret kıberbýllıng týraly shaǵym tirkeıdi. Áleýmettik jelilerde qysymǵa ushyraıtyn balalar sany jyl saıyn artyp keledi. Sondyqtan «OpenAI»-diń jańa bastamasy osyǵan tosqaýyl bolýǵa baǵyttalǵan mańyzdy qadam bolyp tur.