Jetisý oblysynyń stýdentteri «Alısaǵa» balama bolatyn erekshe dybystyq kómekshi jasap shyqty. Endi olar bul qosymshany jasandy ıntellektimen baılanystyryp, múmkindigin keńeıtýge kirisip jatyr.
Baǵdarlamanyń avtory Jetisý ýnıversıtetiniń stýdenti Artem Fedorov ázirge tek kompıýterdegi tapsyrmalardy oryndaıtyn nusqasyn jasaǵan. Biraq onyń armany – qosymshany qazaq tilinde sóıletip, beınekamera arqyly adamnyń bet-júzin tanıtyn ári «ym» tilin túsinetin deńgeıge jetkizý. «Bul quraldy stýdentter men oqýshylar bilim alýǵa, muǵalimder óz jumysynda qoldansa deımin. Tipti múmkindigi shekteýli jandar da ym arqyly tapsyrma berip, aqparat alsa degen armanym bar», deıdi jas ónertapqysh.