YNTYMAQTASTYQ AIаSYNDAǴY IRI ShARA

Almatyda “Almaty Towers” ha­lyqaralyq jańa kórme kesheninde Reseı ónerkásip kórmesi bolyp ót­ti. Qazaqstanda alǵash ret uıym­das­tyrylǵan  “Expo-Russia Ka­zakh­stan 2010” kórmesiniń ashylý saltanatyna Reseıdiń Qazaq­stan­daǵy Tótenshe jáne ókiletti elshisi M.Bocharnıkov, kórmeniń uı­ym­dastyrý komıtetiniń tóraǵasy D.Var­tanov jáne Qazaqstan mı­nıstr­likter men vedomstvo­la­ry­nyń resmı ókilderi qatysty. M.Bocharnıkovtyń aıtýynsha, “Ex­po Russia” baǵdarlamasy aıa­syn­da Almaty qalasynda reseılik alǵashqy kórmeniń ashylýy eki el bıznes qaýymdastyǵy aldynda jańa múmkindikterge jol silte­mek”. Kópshilikke jaqsy belgili, kór­shiles eki memleket – Qa­zaq­stan men Reseı arasyndaǵy eko­no­mıkalyq tyǵyz baılanystar ýa­qyt ótken saıyn nyǵaıa túsýde. So­nymen qatar, búgingi kúnniń bı­ik talabyna oraı ónerkásip, ási­re­se, ınnovasııa salasyndaǵy yn­ty­maqtastyq qarym-qatynas deń­geıin odan ári arttyrý qajettigi aıtpasa da túsinikti. Ońtústik asta­nanyń dál orta tusynda orna­las­qan jańa da kórnekti bıznes or­talyǵynda ótken kórmege Reseıdiń 15 ónerkásipti aımaǵynan 70 kompanııa qatysty. RF Syrtqy ister mınıstrligi saýda-ónerkásip palatasy jáne QR salalyq mınıstrlikteri qoldaýy­men uıymdastyrylǵan “Expo Russia” kórmesinde energetıka, munaı-gaz óndirisi, metallýrgııa, máshıne jasaý, sý sharýashylyǵy, orman sharýashylyǵy, qurylys, kólik ınfraqurylymy, kommýnı­kasııa jáne baılanys, aýyl sha­rýa­shylyǵy men qurylys teh­nıkasy, taǵam óndirisi salalaryna arnalǵan bólimder kópshilik nazaryna usy­nylǵan. Onda ýaqyt ótken saıyn órkendep, qulashyn keńge jaıǵan óndiris pen joǵary tehnologııadaǵy ozyq jetistik­ter­den mol málimet beretin sapaly ón­diristik qural-jabdyqtar qoı­ylǵan. Kórme baǵdarlamasy aıasynda iri kólemdegi ınfraqurylymdyq jobalardyń keleshegi jáne ózge de kún tártibinde turǵan máseleler ortaǵa salynýy kóp túıtkilderdiń sheshimin tabýǵa yqpal etti. Any­ǵyraq aıtqanda, tájirıbe kórset­kenindeı, keıbir kúrdelilikterdiń birlesip, kúsh qosqanda ǵana ıgeriletini aıtpasa da túsinikti emes pe? Máselen, “Expo Russia-Ka­zakhstan 2010” uıymdastyrý ko­mıtetiniń tóraǵasy D.Vartanovtyń esepteýinshe, “bul kórme jańa ár­iptestik qarym-qatynastarǵa jol ashyp, jetken nátıjeler eki mem­leket arasyndaǵy yntymaq­tas­tyqty odan ári nyǵaıta túspek”. Qazaqstanda tuńǵysh ret ót­kizilip otyrǵan “Expo Russia” kór­mesiniń dırektory S.Zabelına “bul kórmeniń keler jyly da óz jalǵasyn tabatyndyǵyn, ıaǵnı jyl saıyn dástúrli túrde ótetin­digin” tilge tıek etti. Baqyt BALǴARINA. ALMATY.