Ekonomıkalyq daǵdarys qubylystary birlesip eńserilmek

Keshe Aqordada Qazaqstan Respýblıkasynyń Prezıdenti Nursultan Nazarbaevtyń, Belarýs Respýblıkasynyń Prezıdenti Aleksandr Lýkashenkonyń jáne Reseı Federasııasynyń Prezıdenti Vladımır Pýtınniń kezdesýi bolyp ótti. Elbasy osy kezdesý úshin Astanaǵa kelgen Aleksandr Lýkashenko jáne Vladımır Pýtınmen osynyń aldynda ekijaqty kezdesýler ótkizip, onda ekijaqty qatynastardyń máselelerin talqylaǵan bolatyn. Bul jónindegi habarlar gazetimizde jeke berilgen soń buǵan toqtalyp jatpaımyz. Al úshjaqty kezdesý barysynda memleketter basshylary ózara saýdany jáne úsh eldiń ekonomıkalyq ózara yqpaldastyǵyn arttyrý máselelerin qarastyrdy. Budan bólek, prezıdentter álemdik ekonomıkadaǵy úrdisterdiń damýyn, sondaı-aq, Ýkraınadaǵy qazirgi oryn alyp otyrǵan jaǵdaıdy talqylady. Nursultan Nazarbaev daǵdarys kórinisteri turǵysynan álemdegi qazirgi ahýaldy talqylaý úshin bul kezdesýdiń mańyzdylyǵyn atap ótti. – 2007-2009 jyldardaǵy daǵdarys jahandyq sıpatta bolǵan edi, al qazirgisi óńirlik baǵyt alyp otyr jáne energııa resýrstary men biz óndirip jatqan taýarlar baǵasynyń tómendeýinen týyndady. Biz mundaı qaterdiń bolaryn boljadyq, endigi mindetimiz – birlesken sharalar ázirlep, osy kezeńnen sátimen ótip shyǵý, – dedi Qazaqstan Prezıdenti. Memleket basshysy, sondaı-aq, ózge elderge de áserin tıgizip otyrǵan Ýkraına daǵdarysyna qatysty pikir almasý qajettigine toqtaldy. Qazaqstan Prezıdenti baǵyt-baǵ­dardy ózara úılestirip, perspektıvaly máselelerdi talqylap otyrý úshin jıi jáne turaqty kezdesýler ótkizýdiń mańyzdylyǵyna nazar aýdardy. Belarýs jáne Reseı prezıdentteri Nursultan Nazarbaevqa Astanaǵa sha­qyryp, kózdelgen máselelerdi tal­qylaýǵa múmkindik jasaǵany úshin alǵystaryn jetkizdi. Munan keıin Qazaqstan Respýb­lı­kasy, Belarýs Respýblıkasy jáne Reseı Federasııasy prezıdentteri kez­desýiniń qorytyndysyna arnalǵan birlesken brıfıng ótkizildi. Aldymen sóz bastaǵan Qazaqstan Prezıdenti Nursultan Nazarbaev úsh el ekonomıkasynyń bıylǵy damýy bu­dan arǵy yqpaldastyqtyń máse­le­lerin egjeı-tegjeıli qarastyrýdy jáne týyn­daıtyn problemalar men  máse­­le­ler­di sheshýdi qajet etetinin atap ótti. – Bul rette ekonomıkalarymyzdaǵy daǵdarys qubylystaryn eńserý jónindegi is-qımyldardyń birlesken josparyn ázirleý mańyzdy bolyp otyr. Búgingi kezdesý naq osy taqyrypqa arnaldy. Qazirgi daǵdarys óńirlik jáne álemdik bolyp tabylady. Onyń týyndaýyna bizdiń energııa tasymaldaýshylar men taýarlarǵa baǵanyń kúrt tómendeýi áser etti. Osyǵan baılanysty Eýrazııalyq ekonomıkalyq odaqta da taýar aınalymy tómendedi. Biz mundaı táýekelder bolýy múmkin ekenin bildik. Biz saýda-ekonomıkalyq jáne ınvestısııalyq yntymaqtastyqty damytýǵa ýaǵdalastyq. Úkimetterimizge ózara saýda ósimin qaıta jańǵyrtý jóninde sharalar qabyldaýdy tapsyrdyq. Meniń oıymsha, 2015 jyly Eýrazııalyq ekonomıkalyq odaq úshin úlken táýekelder men syn-qaterler bar. Sonymen qatar, biz búgingi kezdesý barysynda saýda-ekonomıkalyq jáne ınvestısııalyq yntymaqtastyqty damytýǵa ýaǵdalastyq. Úkimetterimizge ózara saýda ósimin qaıta jańǵyrtý jóninde sharalar qabyldaýdy tapsyrdyq, – dedi Qazaqstan memleketiniń basshysy. Nursultan Nazarbaev osy basqosýda Ýkraınanyń ońtústik-shyǵysyndaǵy qaqtyǵysty retteý máselesi de talqylanǵanyn aıtyp ótti. – Bul másele jóninde memle­ket­teri­mizdiń árqaısysynyń ustanymy belgili. Biz máselege naqty qaraımyz. Ýkraınada qalyptasqan ahýaldan dıplomatııalyq jolmen shyǵý qajet,  bul másele áskerı jolmen sheshimin tappaıdy. Osy oraıda, qabyldanatyn kez kelgen sheshim irgeli halyqaralyq quqyq qaǵıdattaryna negizdelgeni mańyzdy. Biz Ýkraınanyń turaqty, táýelsiz jáne aýmaǵy birtutas memleket bolyp qalýyna múddelimiz. Qazaqstan Mınsk kelisimderin jáne qol jetken ýaǵdalastyqtardy barlyq taraptyń oryndaýyn qoldaıdy, – dedi Qazaqstan Prezıdenti. О́z kezeginde Reseı Prezıdenti Vla­dımır Pýtın memleketter basshylary osy basqosý barysynda ózara qarym-qatynastardyń keń aýqymdy máselelerin talqylaǵanyn jetkizdi. – Bizdiń elderimizdi saýda jáne ın­ves­tısııalyq tyǵyz baılanystar biriktiredi. «Úshtiktiń» IJО́-siniń jıyntyq kólemi TMD-nyń jalpy óniminiń 85 paıyzyn quraıdy. Biz orasan óndiristik já­ne ǵylymı áleýeti bar iri naryq qalyp­tastyrýdamyz. Reseı Qazaqstan men Be­larýstiń syrtqy saýdasynda birin­shi oryn alady. О́tken jyl qorytyn­dysy boıynsha Reseıdiń osy eki elmen taýar aınalymy 60 mıllıard dollardy qurady. Al Belarýs pen Qazaqstan Reseı Federasııasynyń saýda teńgeriminde úshinshi oryndy ıelenip otyr, – dedi V.Pýtın. Reseı Prezıdenti úsh eldiń óner­ká­siptik-tehnologııalyq kooperasııa, mashına jasaý, ǵarysh jáne energetıka salalaryndaǵy baılanystary nyǵaıyp kele jatqanyna nazar aýdardy. Vladımır Pýtınniń málim etkenindeı, kelissózder barysynda Ýkraınadaǵy ahýal jóninde de áńgime boldy. – Qazaqstan men Belarýs prezı­dent­teriniń bul problemany retteýge belsene qatysqanyn atap aıtqym keledi. Mınskide qol jetken kelisimniń arqasynda qarýly qaqtyǵysty ýshyqtyrmaýdyń múmkindigi týdy, – dedi Reseı Prezıdenti. Belarýs Respýblıkasynyń Prezı­denti Aleksandr Lýkashenko óz sózinde osy kezdesý barysynda úsh eldiń ózara yqpaldastyq baǵyty, sondaı-aq, ornyqty ári ózara tıimdi yntymaqtastyqty nyǵaıtý maqsatynda saýda, aqsha-nesıe jáne basqa da salalarda qabyldanýy qajet sharalar talqylanǵanyn aıtty. – Budan arǵy is-qımyldardyń bar­lyq baǵyttary boıynsha ustanym­dardyń sáıkes kelýi bizdiń kezdesýi­mizdiń qorytyndysy boldy. Biz saýda-ekonomıkalyq yntymaqtastyqty álemdik konıýnktýranyń jańa jaǵdaı­lary men elderimizdiń ekonomıka­laryndaǵy qazirgi ahýaldy eskere otyryp damytý úshin qosymsha sharttar qalyptastyrý jóninde naqty qadamdardy belgiledik, – dedi Belarýs Prezıdenti. Osy kúni Qazaqstan, Reseı jáne Be­larýs prezıdentteri Astanadaǵy Nazarbaev Ortalyǵynda boldy. Memleketter basshylary munda «Álemdi ózgertetin ıdeıalar» ınteraktıvti bilim berý ortalyǵynyń jumysymen tanysty. Astana qalasynyń mektep oqýshylary men joǵary oqý oryndarynyń stý­dent­teri úsh eldiń kóshbasshylaryna Qazaq­stan halqy Assambleıasy jáne «Bola­shaq» halyqaralyq stıpendııasy sııaqty biregeı jobalar týraly, sondaı-aq respýblıkanyń strategııalyq damý baǵdarlamalary jóninde aıtyp berdi. Sonymen qatar, Vladımır Pýtın men Aleksandr Lýkashenkoǵa eki bólikten turatyn elektrondy kitaphana tanystyrylyp, oqyrman bıletteri tabys etildi. Suńǵat ÁLIPBAI, «Egemen Qazaqstan». Sýretterdi túsirgender S.BONDARENKO, B.OTARBAEV.