Jandos О́mirálıev Qazaqstan Respýblıkasy Bas Prokýrorynyń birinshi orynbasary bolyp taǵaıyndaldy. Bul týraly Aqordanyń baspasóz qyzmeti habarlady, dep jazady Egemen.kz.
«Memleket basshysynyń ókimimen Jandos Jánibekuly О́mirálıev Qazaqstan Respýblıkasy Bas Prokýrorynyń birinshi orynbasary bolyp taǵaıyndaldy, ol burynǵy atqarǵan laýazymynan bosatyldy», delingen habarlamada.
Sondaı-aq Memleket basshysynyń ókimimen Tımýr Ǵazızbekuly Táshimbaev Qazaqstan Respýblıkasy Bas Prokýrorynyń birinshi orynbasary laýazymynan bosatyldy.
Jandos Jánibekuly О́mirálıev 1978 jyly týǵan. Abaı atyndaǵy Almaty memlekettik ýnıversıtetin bitirgen.
Eńbek jolyn 2000 jyly aýdan prokýrorynyń kómekshisi bolyp bastaǵan.
2010-2011 jyldary bas prokýrordyń erekshe tapsyrmalar jónindegi aǵa kómekshisi — Zańdylyqty, quqyqtyq tártipti qamtamasyz etý jáne qylmysqa qarsy kúres jónindegi úılestirý keńesiniń hatshysy boldy.
2011-2017 jyldary Almaty qalasy prokýrorynyń orynbasary qyzmetin atqarǵan.
2017-2018 jyldary — Bas prokýratýranyń kadrlardy damytý basqarmasynyń bastyǵy.
2018-2022 jyldary Batys Qazaqstan oblysynyń prokýrory boldy.
2022 jyly 8 maýsymda Qazaqstan Respýblıkasy Bas Prokýrorynyń orynbasary bolyp taǵaıyndaldy.