2025 jylǵy Nobel syılyǵy fızıka salasynda kvanttyq fızıkaǵa tyń serpin bergen úsh ǵalymǵa buıyrdy. Laýreattar qatarynda Ulybrıtanııalyq Djon Klark, fransýz zertteýshisi Mıshel Devore jáne amerıkalyq Djon Martınıs bar, dep habarlaıdy Egemen.kz.
Olar «makroskopııalyq kvanttyq-mehanıkalyq týnneldeý jáne elektr tizbegindegi energııanyń kvanttalýyn ashqany úshin» marapattaldy. Ǵalymdardyń tájirıbeleri kvanttyq qubylystardyń tek atomdyq deńgeıde ǵana emes, qolmen ustaýǵa bolatyn qurylǵylarda da aıqyn kórinetinin dáleldedi.
О́tken jyly Nobel syılyǵy fızıka salasynda Djon Hopfıld pen Djeffrı Hıntonǵa berilgen bolatyn.
Aıta keteıik, 1901 jyldan beri fızıka boıynsha Nobel syılyǵy 118 ret tabystalyp, 226 ǵalym ıelengen. Olardyń ishinde nebári bes áıel bar.
Bıylǵy Nobel aptalyǵy áli jalǵasyp jatyr. 8 qazanda – hımııa, 9 qazanda – ádebıet, 10 qazanda – Beıbitshilik syılyǵy, al 13 qazanda ekonomıka salasyndaǵy laýreattar belgili bolady.