Elimizdiń shyǵysynda ornalasqan Zaısan shekara otrıadyna qarasty «Maıqapshaǵaı» baqylaý-ótkizý beketiniń baqylaýshylary qomaqty qarjyny jasyryn jolmen alyp ótpek bolǵan qytaı eliniń azamatyn ustady.
Aspan asty elinen Qazaqstanǵa «Iýton» avtobýsymen kele jatqan 40 jasar qytaılyq ózinde eshqandaı zańsyz zattyń joq ekendigin habarlady. Al avtobýstyń uńǵyl-shuńǵylyn tereńdetip qaraǵan kezde onyń bir qýysynan qomaqty aqsha shyǵa keldi. Sanap jibergende anaý-mynaý emes –
3 000 000 teńge bolyp shyqty, dep habarlady UQK ShQ baspasóz qyzmeti.
Atalǵan derek boıynsha QR Ákimshilik-quqyq buzýshylyq kodeksiniń 551-baby, ıaǵnı «Taýarlardy, qolma-qol aqshany, jol chekterin, nemese qundy qaǵazdardy jarııalamaý nemese durys jarııalamaý» baby boıynsha is qozǵalyp, keden beketine tapsyryldy.