Búgin Memleket basshysy Qasym-Jomart Toqaev Parlamenttik reforma jónindegi Jumys tobynyń birinshi otyrysynda sóz sóıledi, dep jazady Egemen.kz Aqordanyń baspasóz qyzmetine silteme jasap.
Prezıdent óz sózinde bir el bolyp saıası, áleýmettik-ekonomıkalyq reformalardy júzege asyryp, elimizde túrli baǵytta aýqymdy ózgerister jasalyp jatqanyn atap ótti.
«Osy ózgerister jalǵasyn tabýy kerek. Bir orynda turyp qalýǵa bolmaıdy. Memleketimizdi túbegeıli jańǵyrtý strategııasyn «Kúshti Prezıdent – yqpaldy Parlament – esep beretin Úkimet» tujyrymdamasyna saı júrgize berý mańyzdy. Bul – elimizde Prezıdenttik bılik júıesiniń tıimdiligi saqtalady degen sóz. Jalpy, bir palataly Parlamentke kóshý halyqaralyq úrdiske tolyq saı keledi. Álem elderiniń úshten ekisinde osyndaı parlamenttik júıe qalyptasqan. Dál qazir bizge keregi – ortaq ustanym jáne parasatty, salmaqty usynys. Sondyqtan barlyq oı-pikirdi, usynysty muqııat zertteımiz, egjeı-tegjeıli qaraımyz», dedi Q.Toqaev.