ASTANA. 8 mamyr. Jeńis kúni Qazaqstan boıynsha qalalyq nómirlerge tegin qońyraý shalýǵa bolady. Bul týraly «Qazaqtelekom» aksıonerlik qoǵamyna silteme jasap, YK-news habarlady.
Sonymen qatar, Qazaqstan boıynsha 8 jáne 10-11 mamyr kúnderi túngi 12-den 3-ke deıin barlyq qońyraýlarǵa 15 paıyz, al 3-ten tańǵy 6-ǵa deıin 60 paıyz jeńildik qarastyrylǵan. 10-11 mamyr kúnderi táýliktiń basqa ýaqyttarynda qalaaralyq baılanys 4 ese arzan bolady.
«Qazaqtelekom» aksıonerlik qoǵamy taratqan málimetter boıynsha, bul jeńildikter tek jeke tulǵalar men avtomatty qalaaralyq telefon baılanystaryna ǵana qatysty. Jeńildik telefonıst arqyly berilgen tapsyrystarǵa qoldanylmaıdy.
Al týǵan-týystarynda telefon joqtar telegramma arqyly sálemdeme joldaı alady. Baılanystyń bul túri mereke jáne bir kún buryn 50 paıyz jeńildikpen qabyldanady. Bul qyzmet TMD elderine joldanatyn úkimettik, jaı jáne jedel telegrammalarǵa qatysty.
Elaman Qońyr.
Derek: YK-news.
Sýret: kapital.kz.