Memleket basshysy premer-mınıstr Oljas Bektenovke osy aptanyń sońyna deıin azamattardyń múddesin eskere otyryp, Úkimettiń ekonomıkalyq reformalar baǵdarlamasyn iske asyrý úderisin retteýge qatysty naqty sharalar ázirleýdi tapsyrdy. Bul týraly Memleket basshysynyń baspasóz hatshysy Rýslan Jeldibaı habarlady, dep jazady Egemen.kz.
«Úkimetke shaǵyn jáne orta bıznesti qoldaýǵa, ınvestısııalyq ahýaldy jaqsartýǵa, sondaı-aq eldegi ekonomıkalyq jaǵdaıdy turaqtandyrýǵa baǵyttalǵan túzetýler engizip, qajetti sheshimder qabyldaý mindeti júkteldi. Memleket basshysy Úkimettiń ekonomıkalyq saıasatynyń negizgi parametrleri Qazaqstannyń strategııalyq múddesine saı keledi, sonymen qatar onda jahandyq konıýnktýra men qazirgi naryqtyq úrdister eskerilgen dep sanaıdy», delingen habarlamada.