Búgingi qutqarýshy tek rasııasy men kaskasy bar adam ǵana emes. Bul drondarmen, teplovızorlarmen, sıfrlyq kartalarmen jáne jasandy ıntellektpen jasaqtalǵan maman, dep jazady Egemen.kz.
TJM ıeliginde 191 ushqyshsyz ushý apparaty bar. Bıyldyń ózinde drondardy qoldana otyryp 2100 operasııa júrgizildi. Olar jergilikti aımaqty zerttep, joǵalǵandardy izdep, keltirilgen zalaldy baǵalap, sýretterin shtabqa jiberedi, onda málimetter jasandy ıntellekt kómegimen taldanady.
Tehnologııanyń dáldigi men sheshimder qabyldaýdyń jyldamdyǵynyń arqasynda 43 adam qutqaryldy.
«Orman», «Tabıǵat» júıeleri jáne jańa «Tasqyn» platformasy búgingi tańda órtter men tasqyndardy boljap, qaýiptilikter týraly aldyn ala eskertýde. Bul qyzmetti tek den qoıý júıesinen aldyn alý júıesine aınaldyratyn sıfrlyq evolıýsııa.