AQTО́BE. 19 aqpan. Aqtóbe olysynda smartfon urlaǵan adam ustaldy. Bul týraly egemen.kz tilshisi habarlady.
Ústimizdegi jylǵy 13 aqpanda polısııaǵa qala dúkenderiniń biriniń dırektory «Samsýng Galaksı» markaly smartfonnyń 8 danasy joǵalǵandyǵyn habarlaǵan. Zııan shegýshi urlyqtyn bıylǵy 1-10 aqpan aralyǵynda bolǵandyǵyn aıtqan. Zańdy tulǵaǵa keltirilgen materıaldyq shyǵyn kólemi 700 myń teńgeni qurady.
Polıseılerdiń jedel- izdestirý is- sharasy barysynda 21 jastaǵy jergilikti turǵyn qolǵa tústi. Odan urlanǵan zat tárkilendi.
Qazirgi tańda atalǵan derek boıynsha Qylmystyq kodekstiń 188- babymen ( Urlyq) qylmystyq is qozǵaldy. Kúdikti «eshqaıda ketpeý» týraly qol hatpen bosatyldy.
Satybaldy Sáýirbaı.
Derek: egemen.kz.
Sýret: azattyg.org.