Elimizde mektepke deıingi tárbıe men oqytýdyń mazmunyn jańartý maqsatynda 2025–2026 oqý jylynda «Erte jastan kásipke jáne eńbekke baýlý» pılottyq jobasy iske asyrylady, dep jazady Egemen.kz.
Jobaǵa respýblıka boıynsha 100 mektepke deıingi uıym qatysady. Onyń ishinde 62 memlekettik jáne 38 jekemenshik balabaqsha bar. Baǵdarlama 4 pen 5 jastaǵy balalardy qamtıdy.
Joba balalardy eńbekke baýlý, olardyń boıynda eńbekqorlyq, jaýapkershilik jáne tabandylyq sııaqty qasıetterdi qalyptastyrýdy kózdeıdi. Sondaı-aq eńbek pen túrli mamandyq ıelerine qurmetpen qarap, baǵalaýǵa daǵdylanady.
«Joba mazmuny balanyń jas ereksheligi men qyzyǵýshylyǵyna saı ázirlengen. Balalar kúndelikti oıyn jáne tájirıbelik is-áreket arqyly túrli kásip túrlerimen tanysady, qarapaıym eńbek daǵdylaryn meńgeredi. Joba aıasynda balalardyń eńbekke degen qyzyǵýshylyǵy artady, ujymdyq jumys pen eńbek etý qabileti damıdy, sondaı-aq bolashaq kásibı baǵdardyń alǵashqy qadamy jasalady», delingen Oqý-aǵartý mınıstrliginiń habarlamasynda.