О́SKEMEN. 19 aqpan. Shyǵys Qazaqstan oblysy Abaı aýdanynyń ortalyǵy – Qaraýyl aýylyndaǵy kóp balaly jáne turmysy tómen otbasylarǵa arnalǵan ınternatta «Ertegiler eline saıahat» atty erteńgilik ótti. Bul týraly egemen.kz tilshisi habarlady. Atalǵan shara «Nur Otan» partııasynyń baldyrǵandardyń áleýmettik beıimdelýine qolaıly jaǵdaı týǵyzýǵa baǵyttalǵan «Baqytty balalyq» jobasy sheńberinde uıymdastyryldy. Aýdandyq bilim bóliminiń basshysy Maqsat Nursultanuly, «Nur Otan» partııasy aýdandyq fılıaly tóraǵasynyń birinshi orynbasary Qaıyrǵazy Dúrmekbaı, partııanyń oblystyq fılıaly saılaýaldy tuǵyrnamasyn iske asyrý jáne oryndaý bóliminiń keńesshisi Dıdar Oralbekuly jáne ınternat meńgerýshisi Baqytjamal Musabekqyzy qatysty.
Bul is-sharada tárbıeshiler sábıdiń sana-sezimin damytý úshin oıyn, ertegi túrlerin utymdy paıdalana otyryp, ertegi keıipkerleri arqyly oqýshylardy adam boıyndaǵy jaqsy-jaman qasıetterdi ajyrata bilýge, uıymshyldyqqa tárbıeleıdi. Izgi qasıetterge baýlyp, jaǵymsyz qasıetterden aýlaq bolýǵa shaqyrady. Bala tárbıesinde erteginiń orny erekshe ekenin túsindiredi. Shara barysynda balalar ózderiniń erekshe shyǵarmashylyq talanty men qabiletin kórsetýge múmkindik aldy. «Altyn qaqpa», «Ǵajaıyp almalar», «Meniń súıikti keıipkerlerim!» atty úsh kezeńnen turatyn saıahat túrindegi oıyn qyzǵylyqty órbidi. Erteńgilikti búldirshinder «Ertegi álemi» ánimen támamdady.
56 búldirshin tárbıelenip jatqan bal kúlkili ortada osyndaı mándi sharalar jıi ótkiziledi, – deıdi ınternat basshysy B.Bozanbaeva.
Dýman Anash.
Derek: egemen.kz.
Sýret: «Nur Otan» partııasy ShQO fılıaly.