QR Tótenshe jaǵdaılar mınıstrligine qarasty «Seısmologııalyq tájirıbelik-ádistemelik ekspedısııa» JShS seısmıkalyq stansııalar jelisiniń derekteri boıynsha, 23 qazan kúni Astana ýaqytymen saǵat 12:20-de Qyrǵyzstan aýmaǵynda jer silkinisi boldy, dep habarlaıdy Egemen.kz.
Zilzalanyń oshaǵy Almaty qalasynan ońtústik-batysqa qaraı shamamen 136 shaqyrym qashyqtyqta anyqtalǵan.
Magnıtýdasy 4,9 balldy qurady. Aldyn ala málimetterge sáıkes, MSK-64 shkalasy boıynsha Almatyda jer dúmpýi sezilmegen.
Tótenshe jaǵdaılar mınıstrliginiń málimdeýinshe, qazirgi ýaqytta óńirdegi seısmıkalyq jaǵdaı turaqty. Qalanyń ınfraqurylymyna jáne turǵyndarǵa eshqandaı qaýip tóngen joq. Mamandar jaǵdaıdy baqylaýda ustap otyr.