О́SKEMEN. 19 aqpan. Bıznestiń áleýmettik jaýapkershiligi aıasynda О́skemen qalasynda túrli áleýmettik nysandar boı kóterýde. Jergilikti kásiporyndardyń kúshimen balabaqshalar, túrli sporttyq nysandar ashylyp, turǵyndardyń ıgiline qyzmet etip jatyr. Bıznestiń áleýmettik jaýapkershiliginiń kezekti jarqyn úlgisi retinde О́skemen qalasynyń ákimdigi men Qazaqstandaǵy AES kompanııalar toby balabaqsha qurylysy týraly memorandýmǵa qol qoıdy. Bul týraly egemen.kz tilshisi habarlady.
Atalǵan memorandým aıasynda AES kompanııalar tobyna kiretin AES Shúlbi GES-i men AES О́skemen GES-i «Eýrazııa Ortalyq Azııa qoryna» balabaqsha qurylysyna arnalǵan qarajat bóledi. Bul qarajatqa О́skemen armatýra zaýyty mańynda 140 oryndyq balabaqsha salynyp, qala menshigine tegin beriletin bolady.
– Qazaqstandaǵy AES kompanııalar tobynyń basshylyǵyna qala turǵyndarynyń rızashylyǵyn jetkizgim keledi. Bul – bizdiń ózara seriktestigimizdiń bastaýy dep bilemin, – dedi qala ákimi Temirbek Qasymjanov.
Qazaqstandaǵy AES kompanııalar tobynyń vıse-prezıdenti Alfııa Jumaeva búginde kompanııanyń áleýmettik jaýapkershiligi aıasynda túrli jobalardyń qolǵa alynǵanyn jetkizdi.
– Bizdiń energetık retindegi basty mindetimiz – tutynýshylardy sapaly elektr jáne jylý energııasymen qamtamasyz etý. Alaıda, biz oblystyń ekonomıkalyq ómirine qatysýmen ǵana shektelgen emespiz. Kompanııanyń áleýmettik jobalary da barshylyq. Búgingi memorandým kompanııanyń osy baǵyttaǵy jumysynyń jalǵasy, – dedi vıse-prezıdent.
Qazirgi kezde О́skemende bıznestiń áleýmettik jaýapkershiligi baǵytynda 20-dan astam memorandým júzege asyrylýda. Máselen, №24 mektep janyndaǵy hokkeı modýli, jekpe-jek saraıy, jeńil atletıka kesheni paıdalanýǵa berildi. Kásiporyndardyń álemdegi kúrdeli ekonomıkalyq jaǵdaıǵa qaramastan, áleýmettik jobalarǵa qarajat bólip otyrǵany qýantady.
Dýman Anash.
Derek: egemen.kz.
Sýret: О́skemen qalasy ákimdiginiń baspasóz qyzmeti.