24 qazan kúni shamamen saǵat 12:35-te Almatynyń Jetisý aýdanyndaǵy baraholka mańynda jolaýshylar avtobýsy jol apatyna ushyrady. Áleýmettik jelilerde taraǵan beınejazbalarda avtobýstyń aıaldamaǵa soǵylǵan sáti kórinis tapqan, dep habarlaıdy Egemen.kz.
Qalalyq polısııa departamentiniń málimetinshe, Yutong markaly avtobýstyń júrgizýshisi soltústik aınalym kóshesimen kele jatyp, kólikti basqarýǵa ıe bola almaǵan, Nátıjesinde avtobýs bordıýrge soǵylyp, keıin aıaldamaǵa kirip ketken. Sol mezette aıaldamada turǵan jaıaý júrginshini qaǵyp ótken.
Jol apaty kezinde aıaldamadaǵy adam men avtobýstyń bir jolaýshysy túrli jaraqat alyp, dárigerlerdiń kómegine júgingen. Qazir oqıǵanyń sebepteri men mán-jaıy anyqtalyp jatyr.