Elimiz aldaǵy tórt jylda energetıka salasyn aıtarlyqtaı kúsheıtip, 2029 jylǵa qaraı elektr energııasy boıynsha tolyq qamtamasyz etilgen ári eksportqa áleýeti bar memleketke aınalýdy kózdep otyr. Bul týraly Úkimet otyrysynda energetıka mınıstri Erlan Aqkenjenov málimdedi, dep jazady Egemen.kz.
Energetıka mınıstrliginiń dereginshe, 2029 jylǵa deıin eldiń energetıkalyq júıesin nyǵaıtý maqsatynda jalpy qýaty 6,7 GVt bolatyn 68 joba iske asyrylmaq. Mınıstr Erlan Aqkenjenovtiń aıtýynsha, ótken jyly 770 MVt-tan astam jańa energııa qýaty qosylǵan. Onyń 608 MVt-y dástúrli kózderden, al 163 MVt-y jańartylatyn energııa kózderinen (JEK) alynǵan.
2025 jylǵa belgilengen 621 MVt-tyń 166-sy dástúrli energııa kózi, al 9 nysan – JEK. 2027 jyly shamamen 1 500 1 500 MVt kóleminde jańa qýat iske qosylady, onyń 573 MVt-tyq 13 JEK obektisi iske qosý qarastyrylyp otyr. Al 2028 jyly 2 myń MVt-tan astam qýattylyqty, onyń ishinde 245 MVt 3 jańartylatyn energetıka nysanyn paıdalanýǵa berý kózdelgen.
«Osylaısha, 2029 jyly ekonomıkanyń elektr energııasyna degen qajettiligin tolyq qamtımyz dep kútip otyrmyz, energetıka júıesin profısıtke shyǵarý josparlanýda, bul elimizdiń eksporttyq áleýetin arttyrýǵa da múmkindik beredi», dedi mınıstr Erlan Aqkenjenov.