«Qazgıdromet» boljamyna sáıkes, 28 qazan kúni Qazaqstannyń batysy men ońtústiginde, sondaı-aq shyǵys pen ońtústik-shyǵystyń taýly óńirlerinde jańbyr jaýady, dep habarlaıdy Egemen.kz.
Keı jerlerde naızaǵaı oınap, jeldiń ekpini kúsheıýi múmkin. Al eldiń soltústik, soltústik-batys jáne ortalyq bóliginde antısıklonnyń yqpalymen jaýyn-shashynsyz kún raıy saqtalady.
Túnde jáne tańerteń keı aımaqtardy tuman basýy yqtımal. Batys pen ońtústikte aýa temperatýrasy tómendep, kún salqyndaıdy — +9…+17°S shamasynda bolady.
Astana qalasynda búgin kún bultty, biraq jaýyn-shashynsyz, kúndiz +9…+11 °C, túnde –1…–3 °C. Al, Almatyda aýa temperatýrasy kúndiz +16…+18 °C, túnde +8…+10 °C, keı jerlerde jaýyn jaýady. Shymkentte kún jylyraq — +21…+23 °C, túnde +9…+11 °C shamasynda, keı ýaqytta jańbyr jaýýy yqtımal.
Sonymen qatar meteorologtar qolaısyz aýa raıy jaǵdaılary Qostanaı, Qaraǵandy, Temirtaý, Semeı, Astana jáne túngi ýaqytta Atyraý qalalarynda baıqalýy múmkin ekenin eskertti.