«QazAvtoJol» ulttyq kompanııasy aýa raıynyń kúrt nasharlaýyna baılanysty júrgizýshilerge jolda saq bolý qajettigin eskertti, dep jazady Egemen.kz.
Kóktaıǵaqtan kólikterdiń joldyń shetine shyǵyp ketkeni týraly habarlamalar júrgizýshilerden 1403 baılanys ortalyǵyna jıi túsken. Atalǵan kompanııanyń jolshy mamandary shuǵyl túrde kómek kórsetip jatyr.
«Qylyshyn súıretip qys keldi. Endi jolǵa jazǵy shınalarmen shyqpańyzdar. Tezirek qysqy dóńgelekterge aýystyryńyzdar. Bul sizderdiń jáne basqa jol paıdalanýshylardyń qaýipsizdigi úshin mańyzdy! 1403 baılanys ortalyǵy sizder úshin táýlik boıy qyzmet kórsetedi», delingen ulttyq kompanııanyń resmı habarlamasynda.