«Astana Media Week 2025» medıa aptalyǵy aıasynda QR Mádenıet jáne aqparat mınıstrligi men «Kcell» AQ yntymaqtastyq týraly memorandýmǵa qol qoıdy, dep jazady Egemen.kz.
Qujat jýrnalısterdiń kásibıligin damytýǵa, halyqtyń medıasaýattylyq deńgeıin arttyrýǵa jáne eldiń medıa salasyna zamanaýı sıfrlyq tehnologııalar men jasandy ıntellekt quraldaryn engizýge baǵyttalǵan birlesken bastamalardy iske asyrýdy maqsat etedi.
«Salalyq jýrnalıstıka mamandaryn daıarlaýdyń ózekti tásilderi» atty dóńgelek ústel otyrysy aıasynda taraptar yntymaqtastyq bolashaǵyn talqylady. Is-shara kadrlardy daıarlaý júıesin jetildirý, memlekettik organdar, bilim berý uıymdary men medıa qaýymdastyq arasyndaǵy baılanysty nyǵaıtý máselesine arnaldy.
Dóńgelek ústelge salalyq mınıstrlikterdiń, jetekshi joǵary oqý oryndarynyń ókilderi, ulttyq jáne óńirlik BAQ jáne ÚEU qatysty.