Ishki saıasat tujyrymdamasy eldi basqarýdyń jáne strategııalyq damýdyń biryńǵaı júıesin qalyptastyrý, áleýmettik turaqtylyqty nyǵaıtý, sondaı-aq qoǵam men memlekettiń ózara is-qımyly men qoǵamdyq qatynastardy jańa damý kezeńinde jetildirý maqsatynda ázirlendi. Tujyrymdama ishki saıasat salasyndaǵy qyzmetti uıymdastyrýdyń jańa tásilderin aıqyndaýǵa baǵyttalǵan.
Memlekettik saıasattyń sabaqtastyǵy men júıeliligin qamtamasyz etý maqsatynda Qazaqstannyń ishki saıasatynyń negizgi qundylyqtary, qaǵıdattary, maqsattary, mindetteri men baǵyttary aıqyndalǵan. Sonymen qatar jalpyulttyq strategııalyq mindetterdi túsinýdi, birlikti nyǵaıtýdy qamtamasyz etetin jańa qundylyqtar belgilendi.
Ishki saıasattyń ekonomıkalyq, áleýmettik, demografııalyq, aqparattyq, mádenı jáne basqa da salalarynyń alýan túrliligin eskere otyryp, tujyrymdama qazirgi zaman jaǵdaıynda bılik pen qoǵam arasyndaǵy turaqty jáne tıimdi ózara is-qımyl júıesin qalyptastyrýǵa baǵyttalǵan saıası jáne ıdeologııalyq sharalar júıesin usynady. Ishki saıasatty iske asyrý eldiń strategııalyq basymdyqtaryna sáıkes dáıekti damýyn qamtamasyz etetin ishki jaǵdaılardy keshendi túrde qalyptastyrý retinde túsindiriledi.
Tujyrymdama Memleket basshysy Qasym-Jomart Toqaevtyń jyl saıynǵy Joldaýlarynda jáne sózderinde belgilengen maqsattar men mindetterdi, sondaı-aq konstıtýsııalyq qaǵıdattar men otandastarymyzdyń múddelerin eskere otyryp ázirlendi. Sondyqtan tujyrymdama – memleket pen qoǵamdy nyǵaıtýǵa jáne dáıekti damytýǵa baǵyttalǵan quqyqtyq, áleýmettik-ekonomıkalyq, saıası, basqarýshylyq sharalar júıesin qalyptastyrýdyń negizi.
Alýa JOLDYBALINA,
Prezıdent janyndaǵy QSZI dırektorynyń orynbasary