Jambyl oblysy polısııa departamentiniń patrýldik polısııa qyzmetkerleri halyqaralyq izdeýde júrgen azamatty qolǵa túsirdi, dep jazady Egemen.kz.
Almaty — Tashkent avtojolynyń 219-shaqyrymynda patrýldik polısııa jasaǵy baǵdar boıynsha izdeýde júrgen kólikke uqsaıtyn Audi avtokóligin toqtatqan.
Tekserý barysynda kóliktiń artqy oryndyǵynda otyrǵan 44 jastaǵy er adamnyń kórshi memlekettiń quqyq qorǵaý organdary tarapynan birneshe ret, sonyń ishinde asa iri kólemdegi alaıaqtyq deregi boıynsha izdeýde júrgeni anyqtaldy.
Kúdikti zań talaptaryna sáıkes ustalyp, Kordaı aýdandyq polısııa bólimine jetkizildi. Keıinnen ol Qyrǵyz Respýblıkasy mılısııasynyń ókilderine resmı tártippen tapsyryldy. Tártip saqshylarynyń qyraǵylyǵy men jedel is-qımylynyń nátıjesinde aýyr qylmysqa qatysy bar tulǵa ustalyp, ádildik saltanat qurdy.