Ortalyq Azııa men AQSh memleketteri basshylarynyń C5+1 formatyndaǵy kezdesýi sheńberinde Qazaqstannyń Ǵylym jáne joǵary bilim mınıstrligi, Q Group jáne Arizona State University jańa halyqaralyq University of Innovation and Technology powered by Arizona State University (InnoTech) ýnıversıtetin Almaty qalasynda ashý týraly resmı kelisimge qol qoıdy, dep habarlaıdy Egemen.kz.
Ǵylym jáne joǵary bilim mınıstrliginiń málimetinshe, InnoTech ýnıversıteti ınjenerııa, IT, kásipkerlik, jasandy ıntellekt jáne turaqty damý salalarynda akademııalyq utqyrlyqty, ǵylymı yntymaqtastyqty jáne tájirıbege baǵyttalǵan oqytýdy biriktiretin álemdik deńgeıdegi bilim ordasyna aınalmaq.
Jańa ýnıversıtettiń basty ereksheligi – otandyq úlgidegi jáne AQSh-ta moıyndalǵan Arizona State University dıplomyn, eki dıplom alý múmkindigi. Bul túlekterdiń halyqaralyq eńbek naryǵyndaǵy básekege qabilettiligin arttyrady.
«Arizona State University jáne Qaazqstannyń Ǵylym jáne joǵary bilim mınıstrligimen yntymaqtastyq – elimizdegi bilim berý júıesiniń damýyna jańa serpin beredi. InnoTech zamanaýı oqý úderisinde ozyq tehnologııalardy, ǵylym men kásipkerlikti biriktiretin sımvolǵa aınalady», dedi Q Group basshysy.
Bakalavrıat jáne magıstratýranyń alǵashqy bilim berý baǵdarlamalary 2026 jyly iske qosylady. Qazirdiń ózinde Almaty qalasynda zamanaýı qalalyq kampýs daıyndaý jumystary júrgizilip jatyr. Ol oqý, zertteý jáne startap-jobalarǵa arnalǵan ınnovasııalyq keńistikke aınalmaq.