Tabıǵatta óz jaryǵyn ózi shyǵaratyn sańyraýqulaqtar bar. Olar túnde jasyl ne sary túste álsiz jaryq shyǵarady. Bul qubylys ejelden adamdy tańǵaldyryp keledi.
Ǵalymdardyń aıtýynsha, bul – lıýmınessensııa. Sańyraýqulaq ishindegi arnaıy ferment jaryq shyǵaratyn reaksııa týdyrady. Mundaı jarqyraýdyń birneshe mindeti bar: jándikterdi tartý, spora taratý, sondaı-aq sańyraýqulaqty zııankesterden qorǵaý. Túngi ormandaǵy álsiz sáýle kezdeısoq emes – tirshilik úshin jasalǵan erekshe beıimdelý qubylysy. Zertteýshiler bul tabıǵı jaryq kózin ekologııa, medısına, bıoınjenerııa salalarynda qoldanýdyń jańa tásilderin qarastyrýda. Tiri aǵzanyń óz jaryǵyn shyǵara alýy – tabıǵattyń tańǵalarlyq ónertabystarynyń biri.
Ramazan ORYNBASAR,
L.N.Gýmılev atyndaǵy EUÝ stýdenti