Atalǵan qaladaǵy №51 «Keleshek mektebiniń» 6-7 synyp oqýshylary plastık bótelke qaqpaqtaryn jınap, olardy qaıta óńdeý arqyly mektep dálizine arnalǵan ekoqoqys jáshigin daıyndady, dep jazady Egemen.kz.
Oqýshylarǵa ıdeıa «Taza Qazaqstan» aksııasy aıasynda kelipti. Balalar plastık qaldyqtardyń aınalada óte kóp ekenin túsingen. Shamamen 2100 qaqpaq paıdalanylǵan daıyn EcoBox mektep ishinde ornatylyp, plastık qaldyqtardy suryptap jınaýǵa múmkindik berip otyr.
Abaı oblysy ákimdiginiń málimetinshe, aldaǵy ýaqytta mektep ujymy qaqpaqtardan EcoBench (ekooryndyq) jasaý, mektep aýlasyn ekologııalyq materıaldarmen abattandyrý jáne «STEM EcoLab» buryshyn ashyp, tájirıbelik ekojobalardy keńeıtý boıynsha jumysty josparlap otyr.