Keshe ǵana májiliste tutyný kredıtteri boıynsha shekti jyldyq tıimdi mólsherlemeni 46%-dan 40%-ǵa deıin tómendetý qajettigin qarastyratynyn málimdegen Ulttyq bank basshysy Tımýr Súleımenov búgin qarjygerlerdiń XIII kongresinde tutyný kredıtteri boıynsha mólsherlemelerdi tómendetý týraly sońǵy sheshim áli qabyldanbaǵanyn aıtty, dep jazady Egemen.kz.
Onyń aıtýynsha, olar Qarjy naryǵyn retteý jáne damytý agenttigimen birlesip osy baǵytta jumys istep jatyr. Zańnamalyq sharalarǵa qaramastan, jalpy ekonomıkalyq sebepterge baılanysty nesıeleý ósýde, dep sanaıdy Súleımenov.
«Adamdar ózderiniń ómir saltyn saqtaý úshin tutynýshylyq nesıelerge júginýge májbúr. Sondyqtan mindet ekige bólinýi tıis. Ál-aýqatty arttyrý, ataýly jáne naqty jalaqynyń, tabystyń basqa da túrleriniń ósýin qamtamasyz etý. Ekinshisi – jalaqysy jaqsy bolsa, onda nesıege eshkim kirmeıdi. Sondyqtan bizge jalaqymen jumys isteý kerek», dedi Ulttyq bank basshysy.