Kórnekti aqyn, Memlekettik syılyqtyń ıegeri Kúlásh Ahmetova 80 jasqa qaraǵan shaǵynda dúnıeden ozdy, dep habarlaıdy Egemen.kz.
Aqynnyń ár jyldary «Aq gúlim meniń», «Sen meniń baqytymsyń», «Bulaqtaǵy juldyzdar», «Meıirim», «Japyraq – jazdyń júregi» atty óleńder jınaǵy jaryq kórip, oqyrmannan laıyqty baǵasyn alǵan. Ár kezeńde Kúlásh aqyn týraly Ábdilda Tájibaev, Táken Álimqulov, Jumeken Nájimedenov, Qadyr Myrzalıev, Ábish Kekilbaev sııaqty áıgili tulǵalar joǵary pikir bildirgen.
Kúlásh Ahmetova 2006 jyly Qazaqstan Respýblıkasy Memlekettik syılyǵynyń laýreaty atandy. Jambyl oblysynyń Qurmetti azamaty, «Qurmet» ordeniniń ıegeri.
Aqynnyń shyǵarmalary álemniń kóptegen tilderine aýdarylǵan. 2021 jyly Kúlásh Ahmetovanyń bes tomdyq shyǵarmalar jınaǵy jaryq kórip, oqyrmanǵa jol tartty.
«Qazaq poezııasynyń aq gúli» atanǵan ardaqty aqyn sońǵy jyldary Taraz qalasynda turdy.