Mańǵystaýda qazaq tilin erkin meńgergen káris qyzy Lıýbov Nam orys tili jáne ádebıet páninen sabaq beredi. Búginde ol «Keleshek mektepteri» ulttyq jobasy aıasynda salynǵan №35 jalpy bilim beretin qazaq mektebinde dırektor qyzmetin atqarady, dep habarlaıdy Egemen.kz.
«Men úshin bilim ordasynyń dırektory bolý – úlken jaýapkershilik. Mektep 1 500 balaǵa arnalǵan, alaıda bıyl oqýshy sany 3 000-ǵa deıin jetedi dep boljap otyrmyz. Meniń basty maqsatym – bul mektepti óńirdegi úzdik bilim berý ordalarynyń brendine aınaldyrý. Al mektebimizdiń mıssııasy – sapaly bilim men ulttyq rýhty syılaı alý», deıdi Lıýbov Nam.
Lıýbov Nam qazaq tilin jetik meńgergen. Onyń aıtýynsha, 5-synypqa deıin qazaqsha múlde sóıleı almaǵan. Talaby taýdaı órenniń tildi úırenýge yntasyn oıatqan qazaq tili men ádebıeti pániniń muǵalimi Raıhan Kenjebaıqyzy eken.
«Jalpy, men 5-synypqa deıin qazaq tilin múldem bilmedim. Keıin qazaq tili men ádebıeti páni muǵalimi Raıhan Kenjebaıqyzynyń erekshe eńbeginiń arqasynda tildi tereń meńgerip shyqtym. Oqýshy kezimde qazaq tiline degen qyzyǵýshylyǵym, elge degen súıispenshiligim arta tústi. Sol eńbektiń nátıjesinde mektepishilik, oblystyq jáne respýblıkalyq qazaq tili olımpıadalarynda, Abaı oqýlarynda júldeli oryndarǵa ıe boldym. Osy tabandylyǵym men eńbekqorlyǵymnyń arqasynda búgingi jetistikterime jettim», deıdi Lıýbov Nam.