Soltústik Qazaqstanda Prezıdent keńesshisi Málik Otarbaevtyń jáne oblys ákimi Ǵaýez Nurmuhametovtyń qatysýymen Memleket basshysynyń «Jasandy ıntellekt dáýirindegi Qazaqstan: ózekti máseleler jáne ony túbegeıli sıfrlyq ózgerister arqyly sheshý» atty Joldaýyn talqylaǵan májilis ótti, dep habarlaıdy Egemen.kz.
Málik Otarbaev aýyldyq aımaqtardyń damý perspektıvalary sıfrlyq ózgeristerge baılanysty ekenin atap ótti. Búginde óńirde 590 aýyldyq eldimeken bolsa, sonyń 300-den artyǵy perspektıvaly dep eseptelip otyr. Bularda aýyl halqynyń 82 paıyzy turady.
Memlekettiń qoldaýymen aýyldyq jerlerdiń ómir súrý jaǵdaıy jaqsaryp keledi. Qazir aýyldarda jańa úıler, mektep, medısınalyq mekemeler men sporttyq nysandar salynyp jatyr. Agrarlyq keshenderde sıfrlanǵan ozyq tehnologııalar engizilýde. Málik Otarbaev óz sózinde sıfrlandyrýdyń osy zamannyń ózekti talaby ekenin atap, Joldaýdyń tapsyrmalaryn sózsiz oryndaý eldiń damýyna kepildik beretinin aıtty.