16 qarashada túngi saǵat 03:00 shamasynda Taldyqorǵan qalasynyń patrýldik polısııa qyzmetkerleri oblys ortalyǵy kóshelerinde qoǵamdyq tártip pen jol qaýipsizdigin qamtamasyz etý barysynda Mitsubishi Pajero avtokóligin toqtatpaq boldy, dep jazady Egemen.kz.
Atalǵan kólik joǵary jyldamdyqpen qozǵalyp, Qabanbaı batyr kóshesi boıynda birqatar qaýipti manevrler jasaǵan. Polısııa qyzmetkerleriniń zańdy talabyna baǵynbaǵan júrgizýshi jyldamdyǵyn arttyryp, qashýǵa árekettengen. Patrýldik ekıpaj dereý qýý áreketin bastap, baǵyt-baǵdar málimetin basqa narıadtarǵa jetkizdi. Birneshe mınýtqa sozylǵan qýý barysynda kólik kópqabatty turǵyn úılerdiń biriniń aýlasynda bógelip, toqtatyldy.
– Tekserý kezinde rólde 2009 jyly týǵan, kólik basqarý quqyǵy joq kámeletke tolmaǵan jasóspirim otyrǵany anyqtaldy. Jasóspirimdi dereý bólimshege jetkizip, onyń zańdy ókilderine habarlandy. Avtokólik arnaıy aıypturaqqa evakýasııalandy. Polısııa qyzmetkerleriniń zańdy talabyna baǵynbaý jáne júrgizýshi kýáliginsiz kólik basqarý faktileri boıynsha jınalǵan materıaldar sotqa joldandy, – delingen IIM aqparatynda.
Sonymen qatar jasóspirimniń ata-anasyna kámeletke tolmaǵannyń túngi ýaqytta qaraýsyz júrýi jáne ata-analyq mindetin tıisinshe oryndamaýy boıynsha materıal toltyryldy. Odan bólek, jasóspirimmen birge bolǵan úsh kámeletke tolmaǵan dosynyń da anyqtalǵany belgili boldy. Olardyń da ata-analaryna balalardyń túngi mezgilde zańdy ókilderiniń qaraýynsyz júrgeni úshin tıisti sharalr qabyldandy.
Polısııa ata-analarǵa balalaryńyzdyń júrgen jerin qadaǵalap, túngi ýaqytta qaraýsyz qaldyrmaýdy, sondaı-aq kólikti basqarýǵa ruqsaty joq kúıde jolǵa shyqpaýyn qamtamasyz etýdi eskertedi. Bul – qaýipsizdik pen quqyq buzýshylyqtyń aldyn alýdyń basty sharty. Qoǵamdyq tártip pen zańdylyqty saqtaý – árbir jol qozǵalysyna qatysýshynyń qaýipsizdiginiń kepili.