ASTANA. 21 naýryz. Reseıdiń burynǵy premer-mınıstri Mıhaıl Kasıanov Batystyń óz eline qarsy jarııalaǵan sanksııalaryn durys dep sanaıdy. Bul týraly RIA Novostı habarlady.
«Biz, Reseı demokrattary, Batys elderiniń bul qadamyn tolyq qoldaımyz. Sondaı-aq, taǵy da sanksııaǵa ilikken jekelegen adamdardyń qataryn kóbeıtýge shaqyramyz», deıdi Reseıdegi «RPR - ParNaS» oppozısııalyq partııasynyń teń tóraǵasy.
Áıtse de ol Ýkraına daǵdarysy boıynsha Mınsk kelisimin júzege asyrýǵa úmit paıda bolǵan dál qazirgi shaqta taǵy sanksııa jarııalaýdyń maǵynasy bolmaıtynyn aıtty.
Aıta keteıik, Mıhaıl Kasıanov 2000-2004 jyldar aralyǵynda Reseı Úkimetin basqardy. Odan bólek 1999-2000 jyldary Reseıdiń Qarjy mınıstri qyzmetin atqardy. 2005 jyldan bastap oppozısııalyq kózqarastaryn bildirip keledi. 2010 jyly Borıs Nemsov, Vladımır Ryjkov jáne Vladımır Mılovtarmen birge bılikke qarsy koalısııa quryp, keıin «Halyq azattyǵy partııasyn» (ParNaS) qurdy. 2012 jyldyń maýsymynan beri «RPR - ParNaS» oppozısııalyq partııasynyń teń tóraǵasy.
Elaman Qońyr.
Derek: RIA Novostı.
Sýret: politrussia.com.