PETROPAVL. 20 aqpan. Petropavldaǵy vokzal aýmaǵynda pravoslavıe ǵıbadathanasy paıdalanýǵa berildi. Bul týraly din isteri jónindegi departamenttiń mamandary habarlady.
Onyń ashylý saltanatyna oblys ákimi Erik Sultanov, Petropavl jáne Býlaev epıskopy Vladımır qatysyp, mináját etýshilerge óz tilekterin arnady.
150 orynǵa laıyqtalǵan hramdy salý jumysy 2013 jyly bastalyp, jeke adamdardyń, kásipkerlerdiń qarjylyq demeýimen óz esigin aıqara ashty. Endi dindarlar qatynaýy qıyn Oıqala jaqqa sabylmaıtyn boldy. Munda «Jumysshy» kenti, «Benzostroı» yqshamaýdandarynyń turǵyndary kelip, qulshylyq ete alady.
Buryn bul jerde temirjol shirkeýi bolǵan. Alaıda, keńes úkimeti kezinde buzyp tastalǵan. Aradaǵy bir ǵasyrǵa jýyq ýaqyttan keıin ádildik qaıtadan qalpyna keltirildi.
О́mir Esqalı.
Derek: Soltústik Qazaqstan oblysynyń din isteri jónindegi departamenti.
Sýret: bnews.kz.