Elimizde kúnbaǵys maıyn óndirý kólemi besinshi jyl qatarynan ósip keledi, dep habarlaıdy Egemen.kz.
Bıylǵy qańtar-qazan aılarynda 622 myń tonna kúnbaǵys maıy óndirildi. Bul 2024 jyldyń sáıkes kezeńimen salystyrǵanda 22,4%-ǵa kóp. Bir jyl buryn ósim 18,5% bolǵan edi.
О́ndiristiń 488,6 myń tonnasy tazartylmaǵan kúnbaǵys maıyna tıesili. Al tazartylǵan maı óndirisi 133,5 myń tonnany qurap, bir jylda 15,2%-ǵa artty.
Eldegi zaýyttar ishki naryq pen eksportty qosa eseptegende suranystyń 84,1%-yn qamtamasyz etti (2024 jyldyń osy kezeńinde 87%). Import úlesi 13%-dan 15,9%-ǵa ósti, al kólemi birden 59,3%-ǵa kóbeıip, 98,8 myń tonnaǵa jetti.
Kúnbaǵys maıynyń eksporty da artty. Bıylǵy qańtar-tamyzda ol 47%-ǵa ósip, 444,3 myń tonna boldy. Ishki naryqtaǵy ótkizý kólemi bar bolǵany 1,6%-ǵa ósip, 178,4 myń tonnany qurady.
Halyq tutyný kólemi de ulǵaıdy. Bıylǵy qańtar-maýsymda árbir qazaqstandyq orta eseppen 7 lıtr kúnbaǵys maıyn tutyndy. Bul 2024 jyldyń alǵashqy jartyjyldyǵymen salystyrǵanda 1,7%-ǵa kóp. Buǵan deıin, kerisinshe, tutyný 2,1%-ǵa azaıǵan edi.
2025 jyldyń qazan qorytyndysy boıynsha kúnbaǵys maıy bir aıda 0,2%-ǵa qymbattady. Aıta ketsek, qyrkúıekte ósim 1,2% bolsa, 2024 jyldyń qazanynda 2,4% bolǵan. Kúnbaǵys maıynyń baǵasy 15 aı qatarynan úzdiksiz ósip keledi. Eń eleýli qymbattaý bıylǵy qańtarda tirkelip, birden 3,9%-ǵa qymbattaǵan.
Barlyq óńirde baǵa kóterilgen. Eń joǵary qymbattaý Qaraǵandy oblysynda (34,2%), Aqtóbe oblysynda (33%), Ulytaý oblysynda (33%) tirkelgen.
Eń tómen ósim Astanada (16,9%), sondaı-aq Túrkistan (18%) jáne Aqmola (18,7%) oblystarynda tirkeldi.
2025 jyldyń qazan aıynda 1 lıtr kúnbaǵys maıynyń ortasha bólshek baǵasy – 847 teńge boldy.
Eń qymbat baǵa kelesi qalalarda baıqaldy:
Jezqazǵan – 945 tg
Aqtaý – 908 tg
Almaty – 903 tg
Astana – 901 tg
Qonaev – 900 tg
Maı baǵasy arzan satylǵan qalalar:
Túrkistan – 769 tg
Shymkent – 773 tg
Kókshetaý – 792 tg