Qazaqstanda biryńǵaı bankaralyq QR júıesi iske qosylǵanymen kásipkerler POS-termınaldy aýystyrýǵa mindetti emes. Bul týraly Ulttyq tólem korporasııasynyń tólem júıesin damytý departamentiniń dırektory Raıymbek Shaımerdenov aıtty, dep habarlaıdy Egemen.kz.
Onyń málimdeýinshe, kásipkerler burynǵy POS-termınaldaryn paıdalanyp, jumysyn jalǵastyra beredi. Al bankter qurylǵylardy qashyqtan jańartyp, júıeniń jańa talaptaryna sáıkestendiredi.
Departament dırektory sondaı-aq júıeniń qaýipsizdigine toqtaldy. QR-kod eki ese shıfrlanǵan jáne tek bank domeni men tranzaksııa ıdentıfıkatoryn qamtıdy. Tólem rekvızıtteri QR-kodta kórsetilmeıdi, sondyqtan jeke derekterdiń urlaný qaýpi joq.
«Jańa júıe kásipkerler úshin yńǵaıly ári qaýipsiz, bankaralyq deńgeıde tólem qabyldaýǵa múmkindik beredi», dep túıindedi Shaımerdenov.