Qyzylorda qalasyndaǵy SPMK-70 shaǵyn aýdanynda 1500 oryndyq «Keleshek mektebi» ashyldy. Jańa mekteptiń ashylýyna Oqý-aǵartý mınıstri Juldyz Súleımenova, óńirden saılanǵan Parlament depýtattary Rýslan Rústemov, Murat Ábenov, Murat Ergeshbaev, zııaly qaýym ókilderi, el aǵalary qatysty.
Oblys ákimi Nurlybek Nálibaev qala turǵyndaryn, ustazdar men oqýshylardy quttyqtap, jınalǵan jurtshylyqqa tilegin jetkizdi.
«Básekege qabiletti, zamannyń jańa shaqyrtýlaryna daıyn, ozyq oıly urpaq tárbıeleý – memleket aldyndaǵy strategııalyq mańyzdy másele. Aımaqtyń bilim salasynda aýqymdy jobalar júzege asyrylyp jatyr. Keıingi úsh jylda salaǵa 812 mlrd 245 mln teńge, bıyl 346 mlrd 800 mln teńge bólindi. О́tken jyly 31 mlrd 800 mln teńgege 13 bilim berý uıymy jańadan ashyldy. Memleket basshysynyń bastamasymen salynǵan «Keleshek mektepteri» shákirtterdi zaman talabyna saı oqytý men tárbıeleýde jańa múmkindikterge jol ashady. Sanasy sergek, oıy ushqyr, básekege qabiletti oqýshylarymyzdyń qatary kóbeısin», dedi Nurlybek Nálibaev.
Jalpy, Syr óńirinde «Keleshek mektepteri» ulttyq jobasy aıasynda 54 mlrd 391 mln teńgege 10 jańa mektep boı kótergen. 2023 jyldan beri 5 mlrd 700 mln teńgege 9 mekteptiń janynan qosymsha ǵımarat boı kóterdi. Osylaısha óńirdegi úsh aýysymdyq mektepter máselesi túbegeıli sheshimin tapty.
Oqý-aǵartý mınıstri Juldyz Súleımenova ınnovasııalyq mektepter ıgiligi qala men aýylǵa ortaq bolýy memlekettik bilim saıasatynyń jarqyn jemisi ekendigin atap ótti. «Keleshek mektepteri» memlekettik bilim oshaqtarynyń zamanaýı arhıtektýralyq-ınfraqurylymdyq standartarǵa sáıkes jańarýyna serpin berip otyr.
Mınıstr óńir bilim sapasynyń kórsetkishteri boıynsha kósh basynda turǵanyna toqtaldy.
Saltanatty sharada bilim salasynyń damýyna eleýli úles qosqan ustazdar men bilim oshaǵyn salǵan merdiger mekeme mamandary oblys ákiminiń Alǵys hatymen marapattaldy.
QYZYLORDA