UQK sybaılas jemqorlyqqa qarsy qyzmeti Túrkistan oblysynyń jergilikti atqarýshy organdarynyń birqatar basshysynyń ústinen sotqa deıingi tergeý júrgizip jatyr, dep habarlaıdy Egemen.kz.
UQK málimetinshe, Qoǵamdyq damý basqarmasynyń basshysy óz qolastynda isteıtindermen sóz baılasyp, qyzmetkerlerdiń eńbekaqysyn tóleýge bólingen 191 mln teńge bıýdjet qarajatyn jymqyrdy degen kúdikke ilingen.
Sondaı-aq Veterınarııalyq qyzmet basqarmasynyń basshysy qarjy-sharýashylyq qyzmetine júrgizilgen tekserý qorytyndysy boıynsha oń qorytyndy alý úshin komıssııa múshelerine 16 mln teńge kóleminde para bergen degen derek te tergelip jatyr.
Sot sanksııasymen kúdiktiler qamaýǵa alynǵan.
Qylmystyq-prosestik kodekstiń 201-babyna sáıkes, ózge aqparat jarııa etilmedi.