Ulttyq statıstıka bıýrosynyń esebinshe, qarashadaǵy aılyq ınflıasııa deńgeıi 0,8% boldy. Azyq-túlik taýarlarynyń ishinde qyryqqabat 2,5%-ǵa, sábiz – 2%-ǵa, qyzylsha – 1,4%-ǵa, qant – 1,3%-ǵa, apelsın – 1%-ǵa, kúrish – 0,5%-ǵa arzandaǵan, dep jazady Egemen.kz.
Sondaı-aq keı azyq túlik baǵasy qymbattaǵan. Tátti burysh – 5,2%-ǵa, tústi qyryqqabat – 5,1%-ǵa, lımon, shokolad – árqaısysy 1,9%-ǵa, rojkı baǵasy – 0,4%-ǵa kóterilgen.
Azyq-túlikke jatpaıtyn taýarlar arasynda ótken aıda qýat únemdeıtin shamnyń baǵasy –1,7%-ǵa, elimizde qurastyrylǵan jańa avtokólikter – 1,2%-ǵa, qazan – 0,8%-ǵa tómendese, smartfondar – 5,4%-ǵa, kir jýǵysh mashınalar – 2,5%-ǵa, tósek oryn jınaqtary – 0,5%-ǵa qymbattady.
Turǵyn úı-kommýnaldyq qyzmetter salasynda sýyq sý tarıfi – 7,1%-ǵa, sý burý – 6,2%-ǵa, ortalyqtan jylytý – 4,9%-ǵa, elektr energııasy – 2,7%-ǵa tómendedi. Al shet tilderin oqytý kýrstary – 2,6%-ǵa, ashanadaǵy túski as – 1,6%-ǵa, dárigerge alǵashqy qaralý syndy qyzmetter – 0,7%-ǵa qymbattaǵan.
Jyldyq mánde ınflıasııa 2025 jylǵy qarashada 12,4% quraǵan.
Azyq-túlik taýarlary boıynsha qyzanaq jyldyq mánde – 8,1%-ǵa, kúrish – 6,9%-ǵa, tátti burysh – 1,2%-ǵa arzandaǵan. Kerisinshe jumyrtqa men sarymsaq 3,9% – 3%-ǵa qymbattaǵan.
Azyq-túlikke jatpaıtyn taýarlardyń ishinde kir keptirgish – 27,6%-ǵa, muzdatqysh – 14,6%-ǵa, útikteý taqtasy– 12%-ǵa arzandady. Ydys jýýǵa arnalǵan quraldar baǵasynyń deńgeıi – 7,7%-ǵa, qabyrǵa kafeli – 6,2%-ǵa, elektrosamokat– 3,6%-ǵa ósken.