Elimizde keıbir azamattar úshin tegin dári-dármekterdiń jetkiliksizdigi áli de ózekti másele bolyp tur. Májiliste Densaýlyq saqtaý mınıstri Aqmaral Álnazarova bul jaǵdaıdy túzetý úshin qabyldanyp jatqan sharalar týraly baıandady, dep habarlaıdy Egemen.kz.
Depýtat Ashat Raqymjanov mınıstrden «SK-Farmasııa» arqyly júzege asyrylatyn memlekettik dári-dármek satyp alý júıesin túbegeıli ózgertý jospary týraly surady. Sebebi jyl saıyn keıbir sanattaǵy azamattar úshin qajetti tegin dári-dármekterdiń jetkiliksizdigi týyndaıdy.
«Shyn máninde bul másele óte kúrdeli. Jyl saıyn keıbir dárilerdiń tapshylyǵy baıqalady, biz ony moıyndaımyz. 2025 jyly osy máselelerdiń birnesheýi sheshildi», dedi Aqmaral Álnazarova.
Mınıstr atap ótkendeı, birinshi mańyzdy qadam – dári-dármekterdiń azaıtylmaıtyn qoryn qurý boldy.
«Bıyl Úkimet qaýlysymen «SK-Farmasııa» kompanııasy 20,6 mlrd teńge kóleminde mindetti tólemderden bosatyldy. Osylaısha, turaqty qor jasalyp, jyl basynda bolǵan sııaqty jetkizilim úzilisteriniń aldyn alý múmkindigi paıda boldy. Biz bul máseleni keshendi túrde sheshýge baǵyttalǵan jumystardy júrgizip jatyrmyz», dedi mınıstr.